Feelemedïenesje

Feelemedïenesje

Feelemedïenesje lea råajvarimmie 7 § Lag om färdtjänst mietie jïh almetjh dan funksjovneheaptojne maehtieh ohtsedidh. Dah almetjh gïeh ij buektehth kollektijve skovhtine vuelkedh vg bussine.

Ohtsije edtja tjïeltesne tjaalasovveme.

Åådtje feelemedïenesjinie tjïelten sisnie feeledh. Feelemedïenesjem nuhtjie privaate feelemidie v.g. åesiestidh, baanghkeieride, apoteekese jallh guessiedidh. Ij åadtjoeh feelemedïenesjem nuhtjedh skïemtjefeelemidie.

Datne ohtsemem viehkievuarjasjæjjese seedth gie goerehte jis datne feelemedïenesjem åadtjoeh. Daamhtaj guessine båata hïejmesne jïh muvhtene dåakteren vïhtesjimmiem kreava. Feelemedïenesjeluhpie lea daamhtaj tïjjegaertjiedamme jïh gosse mahte orreje åadtjoeh datne viehkievuarjasjæjjam gaskesadtedh jïh dam orrestidh. Sjæjsjalimmie feelemedïenesjen bïjre ohtsijasse seedtie jïh jis ij daam åadtjoeh maahta reeremedåapmoestovlese laejhtedh. Gaajhkh bïevnesh jïh tjaatsegh mah våarome sjæjsjalæmman feelemedïenesjen bïjre leah sjeavehthvoeten sisnie jïh ij åadtjoeh dejtie vedtedh gies’akt.

Feelemedïenesjen njoelkedassh jïh daaletje taksam seedtie gaajhkide gïeh åadtjoeh feelemedïenesjem voestes aejkien. Dah aaj åadtjoeh viskes plaastekåarhtem telefovnenummerinie Reseservicen gåajkoe.

Feelemedïenesjen maaksoe lea Länstrafiken taksan mietie 18 kr lissine.

Rïjhkefeelemedïenesje

Rïjhkefeelemedïenesje lea feelemenuepie Sveerjesne mij tjïelten ålkoelisnie jïh nuepiem vedtedh almetjidie stoerre svihtjemeheaptojne eah daarpesjh maeksedh jienebh dej feelemen åvteste enn mubpieh.

Rïjhkefeelemedïenesje voestes iereste vadtasåvva:

aelpemes skovhtine, tååge mubpien klaassesne

busse jïh girtie dåeriedæjjine

Taksie jallh sjïereskovhtine

Daate krööhkeste dov funksjovneheaptose

Rïjhkefeelemedïenesjem tjaaleldh ohtsede jïh fïere guhte feelemen åvteste.

Ohtseme tjuara Sjeltiej tjïelten gåajkoe båetedh, minngemes 14 biejjieh åvtelen datne edtjh vuelkedh.

Ohtsemegoere gååvnese Sjeltien tjïelten hïejmesæjrosne