Aarhskuvle Renen

Mijjen aarhskuvle Sjeltesne, Finn Pålsväg’sne 7. Mijjen lïhke skåajje jïh jeatjah eatnemedarjomh, mejtie daamhtaj nuhtjebe mijjen barkosne.   Voejemegåetie, gaarsjelimmiegåetie jïh jïengegåetie aaj mijjen lïhke jïh dah nuepieh aaj gorredibie.

Fïerhtem maanam vuejnedh jïh dåastoehtidh aajnemaanine vihkeles mijjen barkosne jïh stååkedimmeste lustes lïeremem evtiedidh.

Mijjieh barkebe maanah edtjieh jearsoesvoetem damtedh dåehkesne jïh sov jïjtje maehtelesvoetem garmaridh.

Aarhskuvlen Renen golme goevtesh: Sländan, Myran jïh Humlan. Fïerhtene goevtesisnie sijjieh 18 maanide 1 – 5 jaepieh gaskem. Mijjen ræhpastïjjh 06:30 - 18:00.